[無綫][青春本我] 《聲夢傳奇》一班學員呢幾晚喺麥花臣舉行畢業演唱會，除咗有一眾學員之外，仲有導師撐場造勢。而一直相傳話要以聲夢學員做主角嘅青春劇亦都有多啲消息喇。
套劇叫做《青春本我》，場境會係中學。故事講一位初出社會嘅女心理學家加入一間中學，負責解開學生們喺青春時期面對嘅各種煩惱。聲夢學員做主角，就當然要唱吓歌，《青春本我》定調做歌舞劇，仲會有《盛 ‧ 舞者》嘅參賽者一齊參與拍攝。
不過睇返《盛 ‧ 舞者》參賽者嘅年紀，似乎大部分同中學生年齡都有啲距離，叫晒佢哋做miss阿sir又有啲怪，唔知點處理？「初出社會嘅女心理學家」又會係邊個呢？如果要搵同星夢學員合作過嘅無綫自己人，似乎JW嘅機會大啲喎。
#有報道話炎明熹真係做火星人唔知係咪真
#無綫 #TVB #青春本我 #聲夢傳奇 #盛舞者
Search